《讀者投稿》
你好，我啱啱結婚一年，有少少野關於我奶奶想分享。
我奶奶係我老公後母，不嬲佢兩老都好好人，拍拖果陣都覺得我奶奶好熱情好nice。我都覺得自己好幸運，6299都算係咁。但一結完婚，就開始見到99個真面目，其實比起其他人，未必係d咩大事，但我一結完婚，我99個控制慾的一面就開始浮上面。佢係一個好鍾意迫人食嘢嘅人，鍾意煮/叫好多餸，又要迫人一定要清哂佢，基本上每次食飯我都被迫食平時3倍既分量。
之後覺得唔對路開始拒絕佢，但佢成餐飯不斷問，又會襯你唔為意，夾送比你，明明已經同佢講左好飽食唔落，所以每次同佢食飯都覺得好攰，食餐飯都放鬆唔到，佢又根本唔聽人講。我媽同佢食完幾次飯直情係怕咗佢，而且唔鍾意佢成日好似查家宅咁。我媽比較慢熱，佢覺得大家都唔熟就問佢咁多私人野好冇禮貌。
之後我媽開始避得就避，佢每次都要問我媽點解唔嚟，有咩做，同邊個食飯，下次一定要嚟。又同我講佢地冇咩嘢架，我聽話就得🙄。我開始覺得佢雖然表面好nice, 對個個都笑笑口，但其實個人好鍾意強迫人，純粹為左自我感覺良好。
我隊友已經幫我擋好多，又有幫我食，但99仲可以不斷迫我地食。有次食飯見我食好少野（因為佢地煮海鮮同牛扒，我有敏感唔食得海鮮，但我都食左一塊扒，佢都仲不斷叫我食海鮮）食完飯之後問我鍾唔鍾意食某生果，我話唔鍾意食，跟著佢叫我幫佢批皮，我以為係佢想食，點知批完佢先話係我要食。雖然聽落好小事，只係一個生果，但我個心覺得唔舒服，點解要迫人食嘢迫到要呃人呢？我覺得好唔尊重人，已經講左敏感或者唔食，仲要不斷迫人食，又唔聽人講。好彩唔洗同佢住，如果唔係我覺得佢會逐步逐步咁控制我咯。我知道比起其他人，我已經好幸福，所以都係呻下....
我唔知係咪我個人太敏感太小器...我覺得大家應該互相尊重，有大家空間，但佢似乎唔係咁諗。可能我個人比較冷淡⋯⋯
＃我的極品四大長老
Search